 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Дзеткі тоўпяцца ў ясьлях,
Усё ім вакол цікава:
Навошта тут столькі цацак?
Навошта столькі гаршчкоў?
А ў вочы ліецца песьня:
«Айчыннаму піву – слава!
Дзе піва, там лад і парадак!
Зьнішчым блакітную кроў!»
Дзеткі тоўпяцца ў школе,
Усё ім вакол цікава:
Навошта тут столькі крэйды?
Навошта столькі ануч?
Па горадзе ж бегае голы
І цырк рэклямуе на славу:
Усім прадае білеты
І скача ў вагонь, у вабруч.
Дзеткі тоўпяцца ў лазьні,
Усё ім вакол цікава:
Навошта тут тазікаў столькі?
Навошта столькі мачал?
А ў касе шыкоўная пасыя
Напарсткамі п’е какаву
І лічыць з дырэктарам «разікі»
І грошы, што той абяцаў…
Дзеткі тоўпяцца ў храме,
Усё ім вакол цікава:
Навошта тут столькі лядану?
Навошта столькі ікон?
І лёзунг на пляцы «Гэй, хамы!»
Лунае «Няхай нас мала,
Але абвясьцім Бадэн-Лядэну:
Ідзі, Бадэн-Лядэн, вон!»
Дзеткі тоўпяцца ў моргу,
Усё ім вакол цікава:
Навошта тут столькі трупаў?
Навошта столькі тугі?
А хтосьці плюецца: «Вой, горка!»
А хтосьці сьмяецца: «Ну, горка!»
А хтосьці шалее: «Цьфу, горка!»
І кідае ў морс прыправу,
Выводзіць кляйно пад пупам
І лупіць дзіцё: «Замест “боты”
Трэба казаць – “сапоги”!»
1992
|
|
|
|
Падабаецца
Не падабаецца
|
|
|
2009–2019. Беларусь, Менск.
|
|
|
